Azərbaycan millisi Sloveniya, Latviya və Bolqarıstanla bir qrupda

FIFA-nın I vitse-prezidenti Valentin Qranatkinin xatirəsinə həsr olunmuş XXVIII ənənəvi beynəlxalq turnirin püşkü atılıb. Futbolxeber.az-ın məlumatına görə, yarışda mübarizə aparacaq 14 komanda 3 qrupa bölünüb. Qruplardan ikisində 5, birində isə 4 komanda yer alıb. Azərbaycan yığması məhz az komandanın yer aldığı “C” qrupunda qərarlaşıb. Millimiz Sloveniya, Latviya və Bolqarıstanla eyni qrupda yer alıb. Digər iki qrupun tərkibi isə aşağıdakı kimidir:

“A”: Sankt-Peterburq, Belarus, Slovakiya, Yaponiya, Litva

“B”: qrupu: Finlandiya, Qazaxıstan, Estoniya, Moldova, Rusiya

Qeyd edək ki, yarış Sankt-Peterburqda 2-13 yanvar tarixlərində baş tutacaq. Turnirdə 1998-ci ilədək olan futbolçular iştirak edəcək.

Ötən il yarışda 18 komanda mübarizə aparıb. Budəfəki iştirakçıların hamısı 1 il əvvəl də Sankt-Peterburqda yarışıb. 1 əvvəlki iştirakçılardan Yunanıstan, Cənubi Koreya, Rusiya-2 və Moskva komandaları bu dəfə yarışa qatılmayacaq.

Oyunlar Sankt-Peterburqdakı Olimpiyski Idman Konsert Kompleksində baş tutacaq.

Xatırladaq ki, ötən il Azərbaycan yığması 18 iştirakçı arasında beşinci olmuşdu.