Bezotosnı: “Əvvəlki oyunlarda bəxtimiz gətirsəydi, qrupda qalmazdıq”

“PAOK-un qapısına qol vura bilmədik. Elə bu səbəbdən də qələbə qazana bilmədik”. Futbolxeber.az saytına müsahibəsində bu sözləri “Qəbələ”nin qapıçısı Dmitri Bezotosnı deyib.

Ukraynalı mütəxəssis PAOK-la oyuna (0:0) tam hazırlaşdığınmı bildirib: “Bərpa dövrünü yaxşı keçdim. Tam gücümlə məşq etdim və qapıda daha yaxşı dayanmağa çalışıram”.

Bezotosnı “Qəbələ”nin Avroliqada qrupda qalmasının səbəbini belə izah edib: “Avroliqada keçirdiyimiz hər oyunda xeyli sayda qol imkanlarımız olur. PAOK-la Bakıdakı, “Krasnodar”la səfər görüşündə qalib gələ bilərdik. Lakin həmin matçlarda qol imkanlarından istifadə edə bilmədik. "Borussiya" ilə Bakıdakı matçı xüsusilə qeyd edərdim. İlk dəqiqələrdə gözəl qol şanslarımız oldu. Heç olmasa ikisindən istifadə edə bilsəydik, oyun daha da maraqlı olardı”.

Bezotosnı vurğulayıb ki, “Borussiya”nın səfərdə “Krasnodar”a uduzması onun üçün sürpriz olub: “Belə olacağını düşünmürdük. Amma "Borussiya" Rusiyaya güclü heyətlə yollanmamışdı. Bilirsiz, bu futboldu və hər klub öz vəzifəsini yerinə yetirir. Əvvəlki oyunlarda bəxtimiz gətirsəydi, qrupda qalmazdıq”.