Adil Şükürov: “Futbolçularımdan razıyam”

“Bilirdik ki, çox çətin olacaq. Hər bir komanda bizə qarşı tam ciddi hazırlaşır. Bütün bunları nəzərə alsaq, mən futbolçularımdan razıyam. Oyunçularım əllərindən gələni etdilər ki, matçı bərabərləşdirsinlər”. Futbolxeber.az-ın məlumatına görə, bu sözləri “Qarabağ”la oyundan sonra “Zirə”nin baş məşqçisi Adil Şükürov deyib.

Gənc mütəxəssis meydana xal qazanmaq üçün çıxdıqlarını bildirib: “Qarabağ”la oyunda xal qazanmaq istəyirdik. Əsas məqsəd isə oyun üslubumuzu saxlamaq idi. “Qarabağ” bu gün bizə qarşı eyni sürətdə, eyni tempdə oynadı. Sadəcə, ikinci hissədə biz oyunu öz xeyrimizə dəyişməyə çalışdıq”.