Berti Foqts: "Finalda kimin qalib gəlməsinin mənim üçün fərqi yoxdur"

Millimizin baş məşqçisi Berti Foqts “Bavariya” ilə “Borussiya” arasında sabah keçiriləcək Çempionlar Liqasının final oyunu haqda fikirlərini bildirib. Futbolxeber.az-ın məlumatına görə, Şotlandiya mətbuatına müsahibəsində o, favorit kimi Münhen təmsilçisini göstərib: "Borussiya" əvvəl ÇL-i qazanmağa iddialı deyildi. Amma buna baxmayaraq, əla oynayaraq finala kimi gəldilər. Hazırda “Borussiya”nın heyətində Mario Götze zədəlidir. Amma unutmayaq ki, “Borussiya” ilə “Bavariya” ötən il Almaniya klubunun finalında da qarşılaşıblar və dortmundlular 5:2 hesabı ilə qalib gəliblər. Çox sevindircidir ki, Almaniyanın iki böyük klubu ÇL-in finalıda qarşılaşacaqlar. Ona görə də kimin qalib gəlməsinin mənim üçün fərqi yoxdur”.