“Məni təhqir edənlər qanlarını yoxlatdırsınlar”

“Kiprdəki oyundan sonra məni qıanayan insalar var idi. Ad çəkmək isəmirəm. Onların arasında bəzi mətbuat işçiləri də var idi. Düzdür, jurnalsitlərdən çoxu mənə dəstək oldu. Buna görə də onlara təşəkkür edirəm”. Futbolxeber.az saytına müsahibəsində bu sözləri “Qəbələ”nin kapitanı Cavid Hüseynov deyib.

Kiprdə etdiyi jestlə bağlı Hüseynov bəzi insalara ismarıc da göndərib: “Məni qınayan insanlara demək istəyirəm ki, mənim hisslərimi başa düşə bilməzlər. Çünki elələrinin qanında problem var. Gedib qanlarını yoxlatdırsınlar”.

“Səni qınayan insanlar məsələyə peşəkar tərəfdən yanaşırdılar. Axı, cəza alsaydın, komandanı pis vəziyyətdə qoyacaqdın” sualını Cavid Hüseynov belə cavablandırıb: “Söhbət hisslərdən gedir. Mən orada peşəkar futbolçu kimi davranmadın. Tənqid olar. Amma təhqirə yol verənlər gedib qanlarını yoxlatdırsınlar”.