“İdman Azərbaycan”dan gözlənilməz qərar: Elit-raundun oyunları nümayiş etdirilməcəyək

Bakıda 17 yaşadək futbolçulardan ibarət milli komandalar arasında Avropa çempionatının elit-raunduna bu gün start verilib. Futbolxeber.az-ın məlumatına görə, oyunların Bakıda keçirilməsinə baxmayaraq, qarşılaşmalar ölkəmizdə televiziya vasitəsi ilə canlı nümayiş etdirilməyəcək. “İdman Azərbaycan” kanalı nəinki qrupdakı digər rəqiblərin, heç millimizin də oyunlarını tamaşaçılara təqdim etməyəcək. Kanalın bu qərarını gözlənilməz hesab etmək olar. Çünki “İdman Azərbaycan” daha əvvəl turnirə hazırlıq çərçivəsində millimizin Rusiyaya qarşı keçirilən yoxlama oyununu canlı olaraq futbolsevərlərə təqdim etmişdi.