Hafiz Məmmədov ona borclu olan digər şəxslərin adını və məbləğləri açıqlamaq fikrindədi

"Bakı" klubunun sahibi Hafiz Məmmədovun ona borclu olan şirkətlərə qoyduğu vaxt bu gün başa çatır. Futbolxeber.az-ın Sportpress.az-a istinadən verdiyi məlumata görə, iş adamı son açıqlamasında bazar ertəsinə qədər ödənişlərlə bağlı qarşı tərəfdən məlumat gözləyəcəyini deyib. "Xəzər Lənkəran"ın sponsoru olan “Palmali” şirkəti Hafiz Məmmədova böyük məbləğdə pul borcludur. "Bakı"nın sahibinə maliyyə ilə bağlı yaranan problemləri həll etmək üçün “Mərkəzi Bank”, “Paşa Bank” və digər qurumlar dəstək olur.

Hafiz Məmmədovun borcu ödəniləndən sonra, iş adamı lazımi məbləği sahibi olduğu Fransanın "Lans" klubuna verəcək. "Bakı"nın sahibinə böyük məbləğdə borcu olanlar arasında Azərbaycan Premyer Liqasında çıxış edən iki klubun sponsoru da var. 

Bu həftə Hafiz Məmmədov ona borclu olan şəxslərin adını və məbləğləri açıqlamaq fikrindədir.