“Millidə hamı Prosineçkinin xətrini çox istəyir”

“Hazırda millinin düşərgəsində ab-hava tamam fərqlidi”. Bunu Futbolxeber.az saytına müsahibəsində millimizin və “İnter”in üzvü Əfran İsmayılov deyib.

Gənc futbolçu qeyd edib ki, yığmada hamı yeni baş məşqçi Robert Prosineçkidən razılıq edir: “Prosineçki komandada qısa müddətdə hamı ilə dil tapıb. Təcrübəlilərlə, gənclərlə, həkimlə, adminstratorla - bir sözlə hamı ilə mehribandır. Hamı da onun xətrini çox istəyir. Məşqləri də yüksək səviyyədədir. Hiss olunur ki, hücumameyilli futbol sərgiləməyimizi istəyir. Bu da bizə sərfəlidir. Çünki bizdə futbolçuların çox hücumameyillidir”.