U-19-un növbəti rəqibləri: 2 vəsiqəyə 4 namizəd

Valentin Qranatkinin xatirə turnirində çıxış edən Azərbaycan millisinin növbəti mərhələdə qarşılaşacağı rəqiblərin adları bu gün müəyyənləşəcək. Futbolxeber.az-ın məlumatına görə, növbəti mərhələdə millimizin rəqibləri D və E qruplarının qalibləri olacaq. Hər iki qrupda isə qalib olmağa 2 namizəd var. D qrupunda son oyunda Slovakiya millisi Sankt-Peterburqla qarşılaşacaq. Növbəti mərhələyə qrup qalibi kimi adlamaq üçün Slovakiya millisini 1 xal da qane edir. Əgər Slovakiya millisi uduzsa, o zaman yığmamıza meydan sahibləri rəqib olacaqlar.

E qrupunda isə hazırda lider 2 oyuna 4 xal toplamış Finlandiya millisidir. Cənubi Koreya millisinin 1 xal var və asiyalılar son turda aktivində xal olan Moskva komandası ilə üz-üzə gələcək. Bu matçda 2 top fərqi ilə qalib gələcəyi halda, yığmamızın rəqibi Cənubi Koreya olacaq. Əks halda isə millimiz finlərlə qarşılaşacaq.