Sadıq Sadıqov Emil Balayevin “Ayntraxt”a transferindən danışdı

“Neftçi”nin prezidenti Sadıq Sadıqov Emil Balayevin Almaniyanın “Ayntraxt” klubuna transferi barədə danışıb. Futbolxeber.az-ın klubun rəsmi saytına istinadən verdiyi məlumata görə, klub rəhbəri Balayevin Bundesliqada möhkəmlənəcəyinə inandığını deyib: “Bu gün futbolumuz AFFA prezidenti Rövnəq Abdullayevin rəhbərliyi altında inkişaf edir. Son illərdə aparılan gəncləşdirmə siyasətinin bəhrəsini artıq görməkdəyik. “Neftçi”nin yetirməsi olan Emil Balayev, həm də milli komandamızın üzvüdür. İnanıram ki, Emil “Ayntraxt”da möhkəmlənərək Avropanın daha iddialı klublarının diqqət mərkəzinə düşəcək. Klubumuzda aşağı yaş qruplarında istedadlı futbolçular çoxdur. Onlar klubda möhkəmlənərək  gələcəkdə uğurlu legioner həyatı yaşayacaq”.