Qurban Qurbanov: “Bakıya uğurlu nəticə ilə dönməyə çalışacağıq”

“Sabah bizi çətin oyun gözləyir. Rəqibimiz həqiqətən yaxşı oyun sərgiləyir”. Futbolxeber.az-ın məlumatına görə, bu sözləri “Dnepr”lə oyunöncəsi mətbuat konfransında “Qarabağ”ın baş məşqçisi Qurban Qurbanov deyib.

Qurbanov Kiyevə oyundan 1 gün əvvəl gəlmələrində qeyri-adi heç nə olmadığını vurğulayıb: “Zədəli futbolçularımız olsada biz bunu düşünməli deyilik,oyuna maksimum dərəcədə diqqətli hazırlaşmalıyıq. Rəqibin heyətində çox yüksək texnikalı futbolçular var.Kiyevə oyuna 1 qalmış gəlməyimizdə xüsusi bir səbəb axtarmaq lazım deyil, bu vəziyyətdən asılı olaraq dəyişir, normal haldır. Bilirik ki, “Dnepr” də bu oyuna qələbə üçün çıxacaq. Amma biz də əlimizdən gələni edib, baxımlı futbol sərgiləyərək Bakıya uğurlu nəticə ilə dönməyə çalışacağıq”.