Nildo: siyahıda 88-ci, qol vurmuş 6-cı braziliyalı

Premyer Liqanın 6-cı turu çərçivəsində “İnter” “Bakı”nı 7:0 hesabı ilə məğlub edib. Futbolxeber.az-ın məlumatına görə, bu qarşılaşmada braziliyalı hücumçu Junior Nildo iki qolla fərqlənib. Bununla da forvard “İnter”in heyətində yerli çempionatda fərqlənə bilmiş sayca 88-ci oyunçu olub. 

Qeyd edək ki, Nildo çempionat oyunlarında qol vurmuş sayca 6-cı braziliyalı kimi yadda qalıb. “İnter”in heyətində çıxış etmiş braziliyalılar arasında ən yaxşı göstəriciyə aktivlərində 6 qol olan Danildo Assioli və Leonardo Roşadır, 3 dəfə Mario Serjio Souza və 1 dəfə də Adriano da Silva fərqlənə biliblər.

Əlavə edək ki, Junior Nildo “İnter”də çıxış edən sayca 12-ci braziliyalıdır. Adları yuxarıda sadalanan oyunçulardan başqa komandada bu futbolçular da oynayıblar: Felipe Maşado, Kleyton, Tales Şüts, Robertinyo, Raymundi Vilson, Joao Paulo və Flavio Bek Junior.