“Bakı”nın baş məşqçisi: “Belə məğlub olmamalıydıq”

“Meydanda istəklərimizi həyata keçirə bilmədik. Xüsusən də ilk hissədə çox pis oynadıq”. Futbolxeber.az-ın məlumatına görə, bu sözləri “İnter”lə oyundan sonra “Bakı”nın baş məşqçisi İbrahim Uzunca deyib.

Türk mütəxəssis yenilgiyə görə hər kəsdən üzr istəyib: “5 həftədir eyni heyətlə oynayırıq. Bu da problem yaradır. Bir sıra çətinliklərimiz var. Rəqibə müqavimət göstərə bilmədik. Qolların çoxunda səhvə yol verdik. Belə hesab gözləmirdik. Buraxılan hər qol komandaya daha pis təsir etdi. Məncə, belə məğlub olmamalıydıq. Yenilgiyə görə hər kəsdən üzr istəyirəm. Vəziyyətdən çıxmaq üçün gecəmizi gündüzümüzə qatıb, əlimizdən gələni edəcəyik”.