“Xəzər Lənkəran” bu gün doğma məkanda məşqə çıxacaq

Son turda “Neftçi”yə uduzan “Xəzər Lənkəran” bu gün müəyyən fasilədən sonra doğma məkanda ilk məşqinə çıxacaq. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi qeyd edib ki, “ağ-yaşıllar” “Neftçi” ilə oyundan sonra ilk məşqinə paytaxtda çıxıb. Dünən istirahət edən komanda üzvləri, bu gün Lənkəran şəhər stadionunda növbəti turda qarşılaşacağı “Araz Naxçıvan”la oyunun hazırlığına start verəcək.

Xatırladaq ki, “Xəzər Lənkəran” - “Araz Naxçıvan” matçı sentyabrın 20-də keçiriləcək və 19:00-da start götürəcək.