“Xəzər Lənkəran” bu dəfə heç-heçə oynadı

Yeni mövsümün hazırlıqlarını Sloveniyada davam etdirən “Xəzər Lənkəran” bu gün təlim-məşq prosesi çərçivəsində üçüncü yoxlama oyununa çıxıb. Futbolxeber.az-ın məlumatına görə, Lənkəran təmsilçisi Serbiyanın “Rad” klubu ilə üz-üzə gəlib. “Xəzər Lənkəran” meydana bu start heyəti ilə çıxıb: Orxan Sadıqlı, Tural Cəlilov, Tyeqo Xesus, Adrian Skarlatake, Vanderson Skarduelli , Rahid Əmirquliyev, Elnur Abdullayev, Rəşad Sadiqov, Dejan Blajevski, Qalin İvanov, Franko Nildo

Görüş 2:2 hesabı ilə başa çatıb. “Xəzər Lənkəran” 21-ci dəqiqədə Tural Cəlilovla, 80-cı dəqiqədə isə Rauf Əliyevlə önə keçsə də, qələbəni əldən verib.

Qeyd edək ki, buna qədər keçirdiyi hər iki oyunda Oğuz Çətinin komandası qələbə qazanıb. “Xəzər Lənkəran” “Karpatı”nı (Ukrayna) 2:1, “Yurmala”nı (Latviya) isə 3:1 hesabı ilə üstələyib.