Asif Məmmədov: “Özümüz özümüzü çətinə saldıq”

“Oyun istədiyimiz kimi alındı. Lakin sona yaxın 2 qol buraxdıq. Bu, bir qədər yaxşı olmadı. Bəlkə də 3:0-dan sonra bir qədər “boşaldıq”. Özümüz-özümüzü çətinə saldıq”. Futbolxeber.az saytına verdiyi açıqlamada bu sözləri “İnter”in aparıcı üzvü Asif Məmmədov deyib.

Dünən Avroliqanın I təsnifat mərhələsinin ilk oyunu çərçivəsində səfərdə “Tiraspol”u 3:2 hesabı ilə məğlub etdikləri oyun barədə danışan A.Məmmədov, Moldova təmsilçisinin heç zəif rəqib olmadığını qeyd edib: “Biz 3:0 hesabı ilə önə keçsək də, onlar təslim olmadılar. Oyuna baxanlar da gördü ki, “Tiraspol” futbol oynamağı bacaran komandadır. Yaxşı komandaya qarşı oynadıq”.

“Cavab oyunu öncəsi şansları necə dəyərləndirirsən” sualını isə “İnter”in üzvü belə cavablandırıb: “Bakıda da azarkeşləri maraqlı oyun gözləyəcək. Şanslar bərabərdi”.